中國傳統漢服非常之靚，有一輪內地發起於日常生活中都著漢服，但始終只係小眾。反而去日本旅行的話，會發現好多當地人著和服漫步街上。
於是以四川美女網友「當小時」為首嘅一群年經人，為保存從古代流傳落嚟嘅珍貴文化資產，發起「帶著漢服去旅行」攝影集。呢班年輕人穿上了傳統漢服，走訪世界各國，宣揚傳統文化理念，拍攝咗一系列結合外國景點，又充滿中國古典風情嘅夢幻攝影作品。
攝影模特兒眾多，其中比較為人熟悉嘅係長成美少女嘅童星徐嬌，佢喺日本奈良同京都拍攝咗一輯可愛又唯美嘅靚相，同之前電影中男仔頭感覺完全唔同，令人驚艷。
(照片來自微博)
